BAYOSUTI: danak na mompas godang

Thursday, March 7, 2013

danak na mompas godang

DUNG TOMET SIKOLA SMP angkon na kehema ia mangaranto ning si Barlang tu Poken Baru, inda giot ia be manyambung sikola tu SMA, mangaranto doma giotnia. Anggo ayah dohot umaknia na marsak sajo doma roa nalai pasari-sari si Barlang naso ra i be sikola. Sanga jadi aha pe le i danaki saulakon, ninna sajoma marsapa-sapa i bagasan roa nalai nadua. Tuana ma le adong udakna na dung parjolo mangaranto tu Poken Baru, jadi bisama udaknia i panompangan ni si Barlang jolo ompak so dong dope karejonia.

Dung lalu ia tu Poken Baru, tu bagas ni udaknia i maia mantong topotna. Tai, tarbiar do ilala ia sotik ba, arana nangudania inda alak kalaian, alak Pokan Baru i do, i ma alak Malayu goarna. Ia pe sabotulna ngana malo dope ia saro Malayu. Sotik dope na dapot ia, ipe ben dodasna do ia manangion obar ni alak huta nalai i ompak mulak kampung kalai sasaulak.

I sada ari kehe mada ia marlao-lao tu pasar salaos get manabusi sigaret idupon ni udaknia. Ngantong jabat lolot so tolap tu pasar i sian bagas ni udaknia, arana ira-ira tar sapulu tonggak do pandaona. Dung lalu ia tu jolo ni sada parjagalan na menek, baruma ia manabusi sigaret Garendel sabungkus ambaen ji udaknia.

Dung na manabusi sigaret i, get tu aek na godang mada ilala ia, oni ipangkulingkon ia bayo na manjagoi parjagalani: "Bang, aku mau eek, dimana di sini tempat partean ?" Ningia mada marsapa tu bayo i.
Mangalus antong bayo i: "Apa kau bilang?" Salaos marsapa arana inda mangarti ia sanga aha sapaon ni si Barlang i.
"Tempat partean, mau eek aku", ning si Barlang mulak.
"Ah, apa itu tempat partean?" Marsapa mulak bayo i.
"Payah kali pun kutengok abang ini, yang itu bang, mau miting aku", ning si Barlang.
"O ... kalau mau miting di sananya itu", ning bayo i salaos manudu sada hotel na godang i siborang dalan.
"Inang goinang, isuru ia musema au miting tu bagas na godang i, ijia muse mantong nangkan ipatola ampuna ni bagasi i", ningia i bagasan roania.
Ben holasna ilala ia, mamburai mada si Barlang: "Peto ho na ronyang", ningia adop bayo i.
"Iya, kesana aja, di situ juga ada anyang, enak kali itu", ning bayo i antong.
Kasidunganna ke si Barlang sian i, marsak roania paida-ida bayo i.

Dung dao sian parjagalan ni bayo i, nida ia muse mada sada bayo na juguk sajo ijolo ni sada inganan tai bahat pintuna nida ia. Pintu-pintu i adong na marbukak, oni adong muse antong na martutup. Pala adong nida ia alak na masuk sian pintu na bukak i, na bulus mei itutup alak na masuki pintunai sian bagasan. Tai dung kaluar sasadalaki sian bagasan, torusma ia manopotkon bayo na juguk sajo inte di jolo, oni ilehen kalaki mei epeng ji bayoi saribu rupia. Sonima nida ia di si, margonti-soluk alak ro tu si. Arani i bahat doma epeng na itarimo ni bayo i sian kalak na marroani tu si.

"Aropku bana mon dabo, inganan partuaekan i mon", ninna ibagasan roania, oni marsapama ia antong tu bayo panjagona i.
"Bang, boleh masuk?"
"Boleh, masuk aja kalau pintunya terbuka", ning bayo i antong.
Dung i, masukma ia tu sada inganan partuaekan i. Inda lolot jabat salose ma hajatnia, oni kaluarma ia mulak sian bagasan. Lalu tu jolo, icakar ia mantong cakuknia get mambuat epeng lehenon tu bayo panjagona i. Tai, mang piga kali icakar ia cakuknia ngadong epeng sasenpe di si. Nangkin adong do dua ribunai epeng icakuknia paulak ni na manabusi sigaret ia, oni sigaret Garendel ni udaknia i pe ngadong juo i cakuknia.
"Mang marmara, sonjia do mon", ninna ro ibagasan roania.
"Maaf bang, uangku hilang, nggak tau jatuh di mana", ning si Barlang.
"Ahhh ... alasan kau sajanya itu, pengen geratis ajanya kau!!" Ning bayo i targogo.
"Betulnya bang, aku nggak bohong, lihatlah isi kantongku, tak ada lagi isinya ", ning si Barlang laos pakaluar isi ni cakuknia patidaonsa tu bayo i.
"Pigilah kau, awas kalau sekali lagi kau nggak bayar, kujitak kepalamu", ning bayo i antong.
"Makasih ya, bang", ning si Barlang, oni morot ia sian i torus kehe mulak tu bagas ni udaknia an.

Lalu tu bagas ni udaknia i, nida ia udaknia dompak meos-keos i jolo bagas i, inda binoto arani sanga aha. Atia nida ia mang ro si Barlang, na bulusma udaknia marsapa: "Aso do lolotna ho langa Barlang, paet doma ula ijuri na so mangidupi sian nangkin !!"
"Aha bo nangkin, nga uboto sanga songondia mago sigaret ni udak na sabungkusi tarbaen au, inda ubotu sanga ijia deretna", ning si Barlang.
"Aha nimu, deret sigaretki ibaenko?" Marsapa mulak udaknia i.
"Olo udak, mangido mohop , inda na usangajo i", ning si Barlang get tangis.
"Oiiihhh ... dantong, na lale ma ho baya, bo udarapkon ko naon", ning udaknia get mandarap si Barlang.
Te ngalalu ba, humna ogarnia do soni, oni mangkuling ia targogo: "Ke patibu masuk tu bagas, get ke au pasuo dohot sitandaanku, manyapai sanga adong karejo ambaen jo".
"Olo, udak", ningia laos masuk tu bagas.

Dung i, kehe mantong udaknia i. Pasuo mantong udaknia dohot sitandaannia i. Putus pokat nalai, anggo ra do si Barlang, jadi kenek ni tukang bagas, karejonia manggaor simin. Potangnai antong, ro ma mulak udaknia tu bagas, oni isapai iama si Barlang sanga ra do ia jadi kenek ni tukang bagas, karejona antong manggaor simin. Ioloon si Barlang antong.

Incogotnai, ira-ira pukul pitu manyogot, ipataru udakniama si Barlang tu parkarejoanan. Dung ipasahat udaknia si Barlang ji tukangnai, ia pentong kehe musema ia tu usahonia.

Sadari-dua ari, ringgas dope nida si Barlang na karejo i, tai dung palima arina mur malosokma tarida nida si Barlang kehe karejo, pukul sapulu bage doma so kehe ia karejo. Arani i, mangadu tukang i tu udaknia, oni didoksa: "Muda naso tolap ia na karejo i, batasanma nangkon ro be ia karejo, so ujalaki gontina", ninna.
Ompak mangaso karejo ari ahat, marsapa mada udaknia: "Aso do langa losokna ho karejo, pukul sapulu bage so ro ho tu partukanganan, sonima pandok ni tukangi jau", ning udaknia.
Rontong ning si Barlang: "Na lojaan ulala udak na manggaor-gaor simin i, marngaolan ulala pamatangi, get marun bage ulala", ning si Barlang.
"Songoni dei bai na karejo, ngadongi na momo, oni ho do kan na kuati roana get karejo!!" Targogo sotik pangkuling ni udaknia.
Oni mangkuling muse udaknia: "Pala na so lalu ho na karejoi, padean ma mulak ko tu kampung, iambangko dontong na momo na karejo i".
Sip tong si Barlang, nga ialusi ia obar ni udaknia i.

Ompak borngin-borngin laos modom, taringot si Barlang ji umak, ayah dot angginia. Tarbayang-bayang muse ia rap dongan-dongannia marmayam-mayam dung mulak sikola. Inda taraso menetek aek ni matania, oni tangis ia asok-asok i podomannia i.
Sian bagasan bilik, tarbege do jisia si Barlang na tangisi. Ibo antong roania pabege-begena, oni ningot ia mulak atia najolo kehe mangaranto dompak menek, tar saumur maia dohot si Barlang maso i.

Incogotnai, manyogot dung sumbayang subuh, mandok obar mada si Barlang tu udaknia: "Na saborngin madung marpikir au manat-manat Udak, mang putus do di roangku mulakma au soni tu kampung, mari-ari mang na lungunan ulala ji umak, ayah, dohot anggingku".
Rontong ning udaknia: "Inda monga, aropku pe padean mei".
Oni mangkuling muse udaknia: "Andiganma giotmu mulak?" Marsapa udaknia.
"Anggo bisa gari sadari on ma", ning si Barlang.

Arian nai, na ipabuat udakniama si Barlang, mangambat motor ma alai di topi dalan godangan. Inda lolot dung i, iolat udakniama sada motor godang, oni isuru ia si Barlang manaek tu bagasan ni motor godangi. Tu kenek ni motor godang i antong, ipasahat udakniama si Barlang so ipaijur kalai i dung lalu tu Mandailing, i ma di Huta Hornop, pas i tontang ni musojit lamo i. Dung iolohon keneknai, ilonceng ia mantong so mardalan motori. Anggo si Barlang sip sajo ia antong ijugukannia i, dung get marangkatma motor i so mangkuling ia mandok obar: "Ke mau", tu udaknia. Dung marangkat motor godang na itengget si Barlang i, baruma ia mulak tu bagasnia an.

Ira-ira pukul sambilan incogot nai, lalu mantong si Barlang tu Mandailing. I paso motor godang i ma i siborang musijit lamo na i Huta Hornop i. Topek muse mantong sadari dompak ro udan na tar por, jadi inda dong alak huta i be na kehe mangguris. Ayah ni Si Barlang pe na i lopo do ia marburas dohot dongan-dongannia. Ompak tagi ilala alai na markombur i, adong mada sada alak na mangkuling: "O ... Ja Marlayar, indahe anak muyu si Barlang na i bariba dalan ?" ningia tu ayah ni si Barlang.
"Oloda, anaktai mada i", ningia, oni kehe ia kaluar maripas-ipas sian lopo i manopotkon si nuan tunas nia i.
Lalu tu lambung ni anaknia i, mangkuling mantong Ja Marlayar: "Bo, ho dei Lian, aso do ipasna ho mulak sian Poken Baru?" Marsapa ayahnia.
Rontong ning si Barlang: "Ibagas ma dabo ita marcarito, ayah".
Sip tong soni ayahnia, ipaiut ia giot ni pinomparnia i. Oni rap udurma alai nadua kehe mardalan tu bagas ni alaian.

Dung lalu tu bagas sabotulna na get igusari ia do anaknia i. Arana antong mang denggan ipabuat si Barlang na kehe mangaranto i, oni miduk muse dope adongkonon epeng tiop-tioponnia, nga jabat dua poken di sadun mang muli mulak tu huta, nga dong hasayana, jadina ira-ira tarsongon na marlancung do ibaen danaki na mangaranto i. Ngantong gara i di bagasan indora ni amangnia. Get idarap dot itojankon ia bage do jabat anaknia i ambaen milasna roania paida-ida parange ni anaknia i. Untungna ma le inda lalu ona tangan jabat si Barlang ibaen ayahnia, arana ipas iora umaknia. Anggo inda gari na marase mei danaki.

Dung tarpalan ilala ayahnia, baruma si Barlang barani mangkuling: "Umak, ayah, sikolama au mulak!!"
"Bo, aso soni, tei na saulaki inda tanggung gogo ni roamu na get manganranto i, pual-pail doma iba patundamu, tarutang-utang jabat so dong epeng tiop-tioponmu, gogoan anjak do ho uida!!" Gogo mulak sora ni ayahnia.
"Tuk mei dabo ayahna, mangarti ma ho anakta on na dompak mompas godang, nga padei leng pupu igusaran sajo", ning umaknia mangalaok ayahnia. Dung i, sip antong ayahnia.
Oni mangkuling mulak si Barlang: "Ayah, umak, mangido moho au jamu, inda ubaen be saulaknai parange na so pade".
"Jadima, ami mohopkon do parangemi na so pade i, tai saulaknai ulang baen be soni, losi ma ho!!" Ning ayahnia.
"Olo, ayah", ning si Barlang.
Dung i, ialuk umaknia si Barlang salaos mangapus-apus abara ni anaknia i. Si Barlang pe rupa na leng tangis dope ia matunguknguk, maneteki muse aek ni matania i jolo ni umak, ayah, dohot angginia dadaboru i di pantar tonga ni bagas nalai i. ]*[

Gandoang, 7 Maret 2013

Carito on boto inda na kisah nyata on,
na ikarang-karang dei soni, oni pala
adong goar-goar na sarupo i bagasan
ni carito on inda na i sangajo i,
so suman dei carito ni alak kita
Mandailing.

No comments:

FOREWORD

Not much different with the presence of ethnic groups in Indonesia, the “alak” (people) of Mandailing that inhabit the coastal rural areas in the southwest coast of Sumatra island also has various kinds of traditional music culture. However, in this era of globalization largely has been in danger of extinction, including “tulila” (wind instrument, free-reed) that is normally used when the youth activities “markusip” (“date”) with the girls at night. Indeed, the situation is to encourage my interest to examine the “tulila” and “markusip” considering both the traditional cultural activities that have a role and the meaning is very important for the “Na Poso Na Uli Bulung” (among young man and women) in the past.

This book comes from my essay that can be maintained to achieve a degree in art (Ethnomusicology Studies Program) at the Faculty of Literature at the University of North Sumatra (USU) in Medan–Indonesia (1995), and is now a new opportunity to make a revision published purpose in the form of books. Accordingly, in this good opportunity I want to thank the untold to: friend, teacher and leader, especially Z Pangaduan Lubis was as “amang” (father). Thanks also to ethnomusicologist Erni Zulfan Rangkuti that have made the images in the form of sketch books, and is also a special thanks to Martin Hatch (Professor of Music and Asian Studies at the Department of Music, Cornell University, USA ), Anthropologist Dr. Yeoh Seng Guan (Monash University, Victoria, Australia), Abdur-Razzak Lubis and Khoo Salma Nasution (Areca Books Publisher, Penang, Malaysia), designer Cecilia Mak Lai Ling (Phonix Printers Sdn Bhd, Penang, Malaysia), and other parties that I can not mention one by one, who has been with the sincere help publishing this book well in the moral and material. In addition allow me to say “mauliate godang” for Mandailing community, especially the informants are domiciled in Medan and “Tano Rura Mandailing”.

The contents of this book form the description of the relationship “tulila” (as the instrument and sounds of music) with elements of other cultures Mandailing. This holistic approach was to get the whole picture and clear about the position and function of “tulila” in life social-cultural Mandailing people. The learn to realize that traditional music in terms of usage and function for the community owner is important. However, besides the need to also learn about what and how the concept of “sound of music”, according to the perceptions of communities to find their own rule and the essential values of traditional music that is.
Finally, I wish that the book is expected to still have many shortcomings is useful for readers, Amen.

Cileungsi, July 1, 2006
Edi Nasution

Di dalam bukunya Si Bulus-Bulus Si Rumbuk-Rumbuk, Willem Iskander menuliskan sepuluh buah prosa, dimana satu diantaranya berbentuk dialog yang dapat dikategorikan sebagai "drama" (mini). Prosa-prosa tersebut diperkirakan ditulisnya sekitar tahun 1860-an karena buku Si Bulus-Bulus Si Rumbuk-Rumbuk dicetak pertama kali pada tahun 1872 di Batavia. Dengan demikian prosa-prosa itu diciptakannya 75 tahun sebelum Kesusasteraan Indonesia mengenal Karya Sastra yang berbentuk Cerita Pendek (Cerpen) yang eksistensinya di Indonesia dipengaruhi oleh Kesusasteraan Barat.

Cerita pertama berjudul Sada Alak Pulon Ta On Na Mabiar Di Ahaila, yang secara harafiah artinya “seseorang dari pulau kita ini yang takut malu”. Dari judulnya saja dapat dipahami bahwa seseorang pada dasarnya selalu takut untuk berbuat sesuatu yang memalukan. Untuk menghindari perbuatan malu maka dari seseorang sangat dibutuhkan suatu tindakan yang berani, tegas, dan memiliki tanggungjawab yang besar.

Cerita kedua berjudul Amamate ni Alak na Lidang, yang secara harafiah artinya “meninggalnya orang yang jujur” dengan tema keagamaan. Cerita ini mengisahkan kepasrahan seseorang yang selama ini dikenal sebagai orang sangat jujur, dalam menerima kematian yang memang pasti datang pada setiap makhluk Allah.

Cerita ketiga berjudul Na Dangol Muda Na So Binoto, yang secara harafiah artinya “sedih kalau tak tahu” dengan tema pendidikan. Dalam cerita dikisahkan seorang raja yang pergi mengunjungi rumah seorang Asisten Residen Belanda. Sewaktu ia bertemu, di rumah itu pun sedang ada beberapa orang kulit putih yang sedang berbincang-bincang dengan Asisten Residen. Sebagaimana kebiasaan orang Belanda untuk menyambut tamunya, dihidangkanlah segelas teh panas, sementara sang raja belum pernah mendapatkan suguhan seperti itu, sehingga ia pun bingung memikirkan bagaimana caranya meminum teh panas tersebut. Dalam keadaan bingung dan malu untuk bertanya, maka diteguknya teh itu cepat-cepat. Melihat teh panas secepat itu direguk, lalu sang pelayan pun mengisi kembali gelasnya karena si pelayan mengira sang raja sangat haus. Sang raja yang melihat betapa cepatnya sang pelayanan mengisi kembali gelasnya, segera pula mereguk suguhan kedua tersebut, karena mengira memang begitulah aturan meminumnya. Kejadian itu berlangsung terus sampai tujuh gelas teh panas habis diteguk sang raja, yang akhirnya sang raja mohon ampun agar jangan lagi ia dihukum dengan meminum teh panas. Padahal, suguhan teh panas untuk tamu adalah tradisi orang Belanda.

Cerita keempat berjudul Pidong Garudo Bosar, yang secara harafiah artinya “burung garuda besar” dengan tema rasa tanggung jawab sesama makhluk. Cerita yang mengambil lokasi di daerah Eropa ini mengisahkan tiga orang abang beradik yang ingin mengambil burung garuda yang bersarang di lembah yang sangat curam. Usaha mengambil anak burung garuda ini ternyata mendapat perlawanan yang dari induknya dan burung garuda lainnya, yang hampir mengakibatkan kematian ketiga anak tersebut.

Cerita kelima dan keenam merupakan cerita yang bersambung yang berjudul, Tiruan ni Olong Ni Roa Marangka Maranggi, yang secara harafiah artinya ”contoh kasih sayang yang bersaudara” dengan tema rasa kasih sayang sesama saudara. Ketegaran kasih sayang ini digambarkan ketika kandasnya sebuah kapal layar yang membawa beratus orang penumpang. Untuk menyelamatkan diri setelah kapal itu pecah, maka kapten kapal memerintahkan agar setiap sekoci yang tersedia dimuat dengan sembilan belas orang. Namun keselamatan sekoci ini pun pada akhirnya tidak dapat dijamin, karena sudah mulai kekurangan bahan makanan, dan biasanya hanya dipersiapkan untuk empat orang penumpang. Maka diadakanlah perembukan dan akibatnya beberapa orang harus dijatuhkan ke laut. Ternyata di antara yang harus dibuang itu terdapat seorang lelaki yang memiliki seorang adik yang juga berada dalam sekoci dan tidak ikut untuk dibuang ke laut. Mengetahui sang abang akan dijadikan korban, sang adik dengan perasaan kasih sayang meminta agar ia saja yang menggantikan abangnya dengan alasan bahwa abangnya itu sudah berkeluarga, yang harus memelihara kehidupan anak dan isterinya.

Cerita ketujuh dan kedelapanan berjudul Na Binuat Tingon Barita ni Tuan Colombus, yang secara harafiah artinya ”yang diambil dari cerita Tuan Colombus”, juga merupakan dua cerita yang bersambungan yang menceritakan kisah perjalanan Colombus, si penemu benua Amerika. Cerita yang bertemakan manfaat ilmu pengetahuan bagi kesejahteraan umat manusia ini mengisahkan keunggulan Colombus memanfaatkan perhitungan berdasarkan ilmu astronomi.

Cerita kesembilan berjudul, Si Baroar, adalah sebuah legenda Mandailing yang bertemakan ”siapa yang melakukan/meniatkan kejahatan terhadap orang lain, biasanya orang itulah yang akan menemui celakanya”. Cerita ini mengisahkan usaha pembunuhan yang direncanakan Raja Hutabargot Sutan Pulungan terhadap Si Baroar, dengan cara menjerumuskannya ke dalam sebuah lobang yang dipersiapkan. Namun sialnya ternyata anak Sutan Pulungan sendirilah (karena raut muka dan perawakan anaknya itu agak mirip dengan Si Baroar) yang menjadi korbannya.

WILLEM ISKANDER (1840-1876) adalah tokoh pendidikan dan sastrawan Mandailing. Salah satu cara yang ditempuh oleh Willem Iskander untuk memajukan orang Mandailing ketika itu adalah melalui seni-budaya (karya sastra) dan pendidikan. Sampai sekarang masih banyak orang Mandailing yang masih mengingat bahwa Willem Iskander kelahiran Pidoli Lombang (Mandailing Godang) ini, ayahnya adalah Raja Tinating sedangkan ibunya Si Anggur boru Lubis berasal dari Rao-rao, adalah sebuah desa di seberang Batang Gadis. Beliau pernah mengenyam pendidikan ”sekolah rendah” yang didirikan pemerintah kolonial Belanda di Panyabungan dan kemudian menjadi guru di situ. Karena beliau termasuk orang yang rajin mencari bisuk na peto sehingga membuatnya menjadi alak na bisuk, dan ia pun memperoleh kesempatan belajar (bea siswa) ke negeri Belanda untuk menambah ilmu pengetahuan. Setelah belajar di Negeri Kincir Angin itu, namun karena terus sakit-sakitan sehingga tidak dapat menyelesaikan pendidikannya, maka ia pun pulang ke kampung halaman. Beberapa tahun kemudian ia berhasil mendirikan ”sekolah guru” di Tano Bato untuk mewujudkan cita-cita mulia yang telah cukup lama diidamkannya yaitu mencerdaskan koum-sisolkot melalui pendidikan dan seni (sastra). Buah karyanya yaitu buku yang cukup dikenal masyarakat luas adalah Si Bulus-bulus Si Rumbuk-rumbuk. Dalam rangka memperingati Hari Pendidikan Nasional (1978), Presiden RI memberikan Hadiah Seni kepada beliau (sebagai penghargaan atas jasa atau prestasi yang luar biasa yang telah ditunjukkan dalam meningkatkan seni budaya Bangsa Indonesia) berdasarkan Keputusan Presiden Republik Indonesia No. 23 Tahun 1976.

Turi-turian

Turi-turian adalah karya sastra Mandailing yang di masa lalu disiarkan dari mulut ke mulut (tradisi lisan). Turi-turian merupakan aksi (tradisi) bertutur yang sangat terstruktur dan aktivitas bercerita (disebut "Marturi") ini dapat berlangsung di kalangan elit kerajaan misalnya ketika mereka bertemu dalam majelis untuk memutuskan kebijakan budaya dan politik di Sopo Godang (Balai Sidang Adat). Salah satu turi-turian yang dikenal luas masyarakat Mandailing dan fenomenal adalah Turi-turian Ni Radja Gorga Di Langit Dohot Radja Soeasa Di Portibi yang dikarang oleh Mangaradja Goenoeng Sorik Marapi Radja Panoesoenan Boeloeng di Maga (1957).

Thursday, March 7, 2013

danak na mompas godang

No comments:

Post a Comment

Labels

Blog Archive

Link